1. ಅವನ ಬಳಿ ಕೆಲವು ಚಿಲ್ಲರೆ ನಾಣ್ಯಗಳು ಮಾತ್ರ ಇದ್ದವು, ಮಳೆಯಲ್ಲಿ ತೋಯುತ್ತಾ ಆಟವಾಡುತ್ತಾ ತನ್ನನ್ನು ತಾನೇ ಮರೆತ. ಕಿಸೆಯ ತುಂಬಾ ನೋಟುಗಳನ್ನು ತುಂಬಿಸಿಕೊಂಡಿದ್ದವರು ಆಶ್ರಯದಾಣಕ್ಕೆ ಹುಡುಕುತ್ತಾ ತಳಮಳಗೊಂಡು ಅಲೆದು ಮಳೆಯಲ್ಲಿ ನೆಂದರು!
2. ಮನುಷ್ಯ ಮತ್ತು ದೇವರು ಅಚಾನಕ್ಕಾಗಿ ಭೇಟಿಯಾದರು. ಇಬ್ಬರೂ ಆಶ್ಚರ್ಯಕರವಾಗಿ ಒಮ್ಮೆಲೇ ಉದ್ಘರಿಸಿದರು, ಓ..ನನ್ನ ಸೃಷ್ಟಿಕರ್ತಾ !!
3. ಇಬ್ಬರೂ ಒಟ್ಟಿಗೇ ಕೇಳಿದರು, ನೀನು ಹಿಂದುವೋ ಮುಸ್ಲಿಮನೋ? ಉತ್ತರ ಒಟ್ಟಿಗೇ ಬಂತು, ನನಗೆ ಹಸಿವಾಗಿದೆ!
4. ಈ ಮೂರ್ಖನಿಗೆ ಅಸಾಧ್ಯವೆನ್ನುವ ಪದದ ಅರ್ಥ ಗೊತ್ತಿರಲಿಲ್ಲ, ಅದಕ್ಕೇ ಅವನದನ್ನು ಸಾಧಿಸಿಯೇ ಬಿಟ್ಟ!
5. ರಾಂಗ್ ನಂಬರ್, ಉಲಿಯಿತು ಅದೇ ಚಿರಪರಿಚಿತ ಧ್ವನಿ!
6. ನಾವು ಸತ್ತ ನಂತರ ದೇವರು ಕೇಳಿದರೂ ಆಶ್ಚರ್ಯವಿಲ್ಲ, ‘ಹೆಂಗಿತ್ತು ಮಚ್ಚಾ ಸ್ವರ್ಗ ಅಂತ’!
7. ನನಗವರು ಹೇಳಿದ್ದಿದ್ದು ಇಷ್ಟೇ, ಅವಳನ್ನು ಪ್ರೀತಿಯಲ್ಲಿ ಸಿಲುಕಿಸಿಕೊಳ್ಳಲು ಅವಳು ಮನದುಂಬಿ ನಗುವಂತೆ ಮಾಡಬೇಕು; ಆದರೆ ಅವಳು ಹಾಗೆ ನಕ್ಕಾಗಲೆಲ್ಲಾ ನಾನು ಮತ್ತೆ ಮತ್ತೆ ಪ್ರೀತಿಯಲ್ಲಿ ಬೀಳುತ್ತಿದ್ದೆ!
8. ಇನ್ನು ಮುಂದೆ ನಾವು ಸ್ನೇಹವನ್ನು ಬೆಸೆಯಬೇಕಿಲ್ಲ, ಮನುಷ್ಯರನ್ನು ಸ್ನೇಹಿತರೆಂದು ಕರೆದು ಫೇಸ್ಬುಕ್ ಗುಂಪಿಗೆ ಸೇರಿಸಿಕೊಂಡರಾಯಿತು!
ಮರುಳು ಮನಸಿನ ಮಳೆ ಹನಿ 